EL SALVANELO I contava na olta che ten quel da Castelo e n'dava anca in volta un tal salvanelo... Qualche uno el disea, che 'l lea parfin isto...e n'altro el saea, el verso che 'l fava... ometo o bestiola - o erelo misto...? Fastidio sicuro a tutti el ghe dava... El sbergava n'tel bosco come na fea, vestio tuto de rosso, co' un gran capelazo el saltava sui querti - ma le ale nol ghea, sicuro non son - ma no l'era castelazo. Noaltri tosati scolteana la storia, n'sentai tuti atorno, più atenti che a scola, dei nossi vecioti de bona memoria, le recie n'drizzae - par non perder parola... A quei tempi n'tei porteghi l'era scureto, na sbrinzia, un bandon, la forza e la scoa... pasando de note - o dopo tarzeto bastava che un gato el moese la coa... Alora le gambe le deventava roele, taieana i cantuni - sui boali feana salti, entro casa de corsa - vizin le fornele, a contarghe ala nona - i la isto anca i altri... Da tosato n'sognava de quel bruto omeneto, che 'l ciapava i tosati - a Castelo e anca fora... ghea tanta paura - o se dirlo rispeto? adesso da grande - ghe rido anca sora... La saria un pò più longa la storia - più bella... se insieme a l'ometo che spaventava i tosati ghe fosse anca stato la so Salvanela... se no i picinini come l'avarai fati... .......................................................................................................traduzione